كتبت مديرة العلاقات العامة في مستشفى الأسد الجامعي”صفاء محسن حميرة” عبر حسابها على “فيس بوك” منشورًا عبرت فيه عن الحال التي وصل إليه مناطق سيطرة الأسد من ضعف للقطاع الاقتصادي وانتشار الفساد الإداري في قطاعاته كافة.
جاء في منشور “حميرة”، “نحنا شو بالوطن هاد اللي ماعد اسمو وطن؟! لك شو نحنا بنظركن؟!.. نص ساعة كهربا بالنهار؟ جرة غاز كل ١٠٠ يوم؟ ٥٠ ليتر مازوت لشتوية كلها عتمة وبرد.. راتب حرام يتسمى راتب”.
وأشارت في منشورها إلى المسؤولين في نظام الأسد الذين نهبوا وسرقوا القطاع العام تحت مرأى الأسد، “مارح احكي بحق الاكل والشرب شاطرين عالضعاف اللي بيسرقوا لياكلو.. بس اللي اكلو البيضة والتقشيرة بتضربولن تحية صرنا شحادين… صار همنا اللقمة؟”.
وعن واقع الشباب في مناطق سيطرة الأسد قالت “حميرة”: “الشباب شي مات شي تصاوب شي انفقد وشي هاجر واللي ضالل هون.. حلمو يهرب يعيش..”.
وجاءت التعليقات على منشور “حميرة”، “نحنا لازم نصرف ع الحكومة”، وعلق آخر، طقينا عن جد مافينا مانحكي،الوضع مزري وسيء ماضل شي نقولو، وعلق آخر، “لا رح يحسوا ولا رح يشوفوا ونحنا مستاهلين كل اللي عم يصير فينا بسبب صمتنا وخنوعنا”.
يذكر أن مناطق سيطرة الأسد تشهد فسادًا في القطاعات العامة، ما أدى إلى توقف الكثير من المهن أهمها المصانع، بسبب فرض الضرائب عليها، إضافة إلى انقطاع التيار الكهربائي بشكل كبير.
